BIG4？BIG3？BIG2？ 讓歐冠隨風？

       其實當上星期六踼完對熱刺果場波，筆者已經好想寫番篇文章。當時車仔相差第三既阿仙奴七分，想差第四既熱刺五分，要爭取來季歐聯入場資格，依一場波必定係其中既關鍵戰。

       當上個週中，作客葡萄牙勁旅賓菲加，都能夠以0-1既戰果取勝，拎左一個非常寶貴、保險既作客入球，仲要當日兩軍球員既神色狀態，係主隊球員怯場既面孔之下，車仔既球員精神抖擻，完全體現到係強者既一方，令唔少車迷都深感殷慰。

       雖然對熱刺場比賽，賽前都深知係一場五五波，但係內心都只係想着寶貴既三分，名符其實既六分戰。係球證完場哨聲既響起，我腦海只係不斷replay 馬達打中門柱既罰球，林柏特同拉美利斯各自係對方禁區被侵犯既片段，認為和得好唔抵，完全忘記左熱刺中楣同卡希爾護空龍既險球。不過，當定過神之後，就感到大勢已去，係之後果日，仲有朋友係筆者facebook 既wall 上面post 左依一首歌，陳飛機真係唱得非常好聽，而且仲唱出左車仔既唔少弊病，以及多年未能拎到歐聯冠軍既缺失。

       不過，係今輪比賽之後，車仔以2-4 作客大勝阿士東維拉，聯賽啞火半年既托利斯都取得入球，之後最開心既消息莫過於QPR 2-1 阿仙奴，雖然個人好憎 QPR 依隊波，但係如今阿記同熱刺都係領先車仔5 分，黎緊仲有七輪既英超比賽，相信兩隊總會有一隊失5分以上，令我依個車迷重燃點點希望。

       最後，我應該暫時唔會再寫車仔，直到積分榜上出現大變，我就會再寫，請拭目以待。