現年已經35歲的「羅馬王子」托迪,效力羅馬已經19年。本月意甲聯賽,羅馬對錫耶納的賽事,是其第700場代表球隊上陣,雖然羅馬最終以0-1落敗,主場球迷仍以熱烈歡呼,作為對這位羅馬隊長的感謝,球會也特意準備一個印有「700場,感謝你」的獎牌,贈予這名意大利傳奇前鋒。
那一年是1993年,羅馬於3月28日作客對布雷西亞,當時只是16歲的托迪,由於在青年軍表現出色,已獲得聯賽的落場機會,這一場比賽奠定其「王子」地位。在94至95年球季,托迪單季為球會轟入21球,這對一個未滿18歲的球員來說,是一項驚人的數字。這名天才橫溢的少年,在這季獲得意甲最佳年輕球員的獎項,從此成為球隊的必然正選,也逐漸成為球會的核心、代表人物。
事隔多年,這名羅馬隊長已經35歲,在接近廿載的光景裡,托迪表現了對球會的不變忠誠,從沒因為各地列強對其招手而有所動搖,一直不論興衰留守球會,至今已為球會披甲超過700場,入球也接近300球。
「沒有羅馬,沒有托迪;沒有托迪,沒有羅馬。」以托迪這類頂級前鋒,甘願留守在羅馬,只能換取2001年一次聯賽冠軍。對不少球員而言,這是愚忠,是不化算:但對「王子」來說,這個冠軍比一切獎項都來得珍貴!
托迪,現今球壇難得的忠心球員呀!
回覆刪除同意!其他人都只向錢看,但忠心卻賣不到錢.
刪除太多呢種例子啦
刪除托迪留在羅馬
謝拉特留在利記...
仲有退左休AC既馬甸尼
刪除無錯,都是忠心隊長!
刪除真係好難得!其他人係咁轉會,佢仲留守係度!希望佢可以繼續加油!
回覆刪除令我想起安歷卡 轉會多過食飯
刪除最令人遺憾的是安歷卡未踢過曼聯,否則必成一時佳話
回覆刪除皆因此子曾效力利記、阿仙奴、車仔,曼城
曼聯的以老帶青政策咁好,
刪除唔需要佢。
不過如果佢踢埋曼聯,真係會名留青史XD
安歷卡轉會之頻率己令他成為經典XD
刪除仲要去埋上海申花打進中國市場添XD
刪除番大陸掘金xd
刪除令我諗起當年raul都係皇馬踢左好耐:p
回覆刪除原來佢都700場咖啦...
可惜呀
刪除一朝天子一朝臣
佢去德甲發展未嘗唔係好事既!
冇法啦!魯爾都係想落場踢波先走,否則留下來只有冷板坐...
刪除我都係咁話...但留左係皇馬咁耐都顯得佢有幾忠心咖啦:)
刪除家陣佢係德甲有份爭神射手
刪除寶刀未老
係阿...真係好令人驚喜呢~
刪除羅馬有托迪,曼聯有二老,可惜打死一隊既球員已越黎越少lu~
回覆刪除球會也較少留下功臣球員
刪除