「街霸」,講既並唔係「FIGHTER OF STREET」,而係「街場球霸」。
相信有踢過波既都曾經係街場既波友,街場同正式比賽唔同:
人數以五、七個為主,正式學界比賽都以十一人為主的。
沒有時限,一落場就踢足成日,幾個鐘,校隊就算唔俾人換出黎最多都係九十分鐘。
沒有後備,一球定生死,正式學界比賽,最死係教練領隊唔俾你出場。
沒有戰略,只有戰術,學界比賽以聯賽績分為目標,你只以嬴出每隊「挑機」為目標。
場地更特別,有五人七人、「人造草」、「圍板場」,學界?就只有十一人場。
發揮更自由,「插花」比「插水」更多,有快有慢,有個人有小組,甚麼都有,總知同你夾到既就乜都得。
街場鬥波,分工並不太明確,互相配合走位的更多,更多的是個人能力多於團隊合作。
速度型的球員,只要一「爆」,就由中場「爆」落底線,對方就在後面「食塵」。
技術型的球員,只要一「扭」,就避過對方守衛,直闖「龍門」。
唔知大家對街場踢波仲有咩印象,唔知大家會唔會一回想就技癢,昔日的足球又帶給你甚麼回憶?
筆者一向熱愛足球,但並非一個高手,怎樣苦練也只是個門外漢,體能也不好,基本上足球的甚麼也只不半吊子的,但也有不少美好的回憶。最瘋狂的,試過早上四小時的「五人圍板場」、中午五小時的「七人硬地場」、夜晚三小時的「十一人仿真草場」,當天回家連坐下也不行,因為兩邊大腿也「抽筋」了XD,甚至右腿是前後肌肉一起「老抽」,可惜瘋狂的日子總是隨著水月流逝。
由於筆者不善控球、速度也慢等缺點,所以「出現」的位置都並非一些主導進攻的位置,不單是五人場,甚至七人場也一樣。回想一下,大概就不會踢「前鋒」至「中場中」的一連串位置吧?側擊還可勝任,後衛和守門員對筆者而言是最常擔任的崗位。由於當時隊友大都喜愛中央突破,側邊的空位大都由我這個「龜速」的後衛填補了^^",而後衛嘛?有多少小孩踢球好的會自願擔當後衛甚至龍門喇?
剎那回想總是愉快,總是令人想回到過去。
你們也有屬於自己的「街場回憶」嗎?
家陣D細路踢波都好勁架
回覆刪除不過唔係FIFA就WINNING囉
反而我接觸過一d真係踢得好勁既細路...
回覆刪除係巴塞訓練出黎係真係差好遠,身體素質就已經強好多....
一般新星(尤其美洲的)都是技術好、身體素質差
回覆刪除巴塞能夠訓練好素質,真係利害
難怪法比仔、碧基踢得掂英超
唔單止,荷蘭既青訓都唔講得笑!!真係好厲害!!
回覆刪除