曼聯有兩老,一者是史高斯,另一者是傑斯。所謂球員「愈老愈可愛」,傑斯完全印證了這句說話,他的球員生涯未有隨著年齡的增長而受挫,反而不斷突破狀態的顛峰,甚至連過往的弱點也予以改善,甚至是「愈老愈好波」呢!
筆者跟友人傾談間,每當提及這名球員,都以「瘋狂」一詞來形容他。試想像一名年近40歲的球場老人家,比場上每個年輕球員都要踢得好,不是很瘋狂、很匪夷所思嗎?當然,他具備的是豐富經驗和球場智慧,有良好表現也不足為奇。
然而,一向以傳中技術好、速度慢見稱的傑斯,卻在球員生涯晚年來個「大爆發」,往往在接近禁區位置展現其爆發力與速度,壓過對手切入底線與小禁區,這種能力是傑斯從前缺乏的,為何會在晚年忽然變快?這讓筆者百思不得其解。
另一方面,體力不足,也是傑斯過往的短處,故在費格遜於數季前的「老青輪換政策」下,他往往只能踢半場。不過,近一兩季傑斯所展現的體力,相信連全盛期的「金霸王先生」古治和「鐵人」林柏特也望塵莫及。在上述曼聯對諾域治的賽事中,他於91分鐘尚能爆進小禁區接應隊友射入,已是擁有無限體能的表現。
每隔數年,也會傳出費格遜會在短時間內退休的消息,他卻每次也選擇繼續執教。傑斯也一樣,每年也考慮掛靴,但每季過後也發覺自己沒有老態,而選擇繼續踢下去。他在上月宣布,會在球會多效力一年,相信傑斯在下年也會說:「我還是下年才掛靴吧!」
早在2008年,傑斯已打破英格蘭名宿卜比查爾頓的最多出賽紀錄,而今年已是2012年了。雖然傑斯「愈老愈可愛」,但每季筆者總不期然問道:「傑斯,你肯掛靴未?」
我相信傑斯至少踢到40歲!
回覆刪除冇傷冇病的情況下至少踢到40,但喺英超分分鐘俾人一下收山腳KO架orz
刪除傑斯踢波好精既
刪除唔會同人硬碰硬
但其實咁樣亦都證明左UTD搵唔到人接佢班
回覆刪除佢可以踢到咁耐固然勁,但個人認為咁樣對換血黎講係好唔健康既事黎:s
不錯,
刪除所以曼聯兩老正式退下來之際,
球隊中場必定需要一段時間適應。
踢得好自然有得落場,但兩老斯同費SIR都退下來時就真係唔知會點LA...
刪除費SIR教多10年都仲得呀 XD
刪除咁要祝費SIR長命百歲同埋長期手緊LOR XD
刪除費sir邊會手緊呀
刪除佢教曼聯咁耐都唔係為錢啦 =]
唔係話踢得好都唔比佢地落場
回覆刪除只係覺得唔應該下下都依賴晒佢2個...
一陣佢2個傷左或者點咁係咪玩完@@?
所以與其諗住佢地仲可以踢多10年8年長期靠佢地倒不如搵定D人接佢地班仲實際啦a_a
費爵爺有做呢d野既
刪除曼聯也不是沒有年青一代
不過被兩老的光芒掩蓋而已
所以我覺得應該比多D機會佢地
刪除雖然佢地係勁,但有朝一日都要退落黎由呢D新人代替
所以應該比多D機會打起佢地信心先真~
費SIR算有比新人機會架啦
刪除對比老化中的車仔
傑斯呢d真係愈老愈可愛,
回覆刪除傳波仲好過nani= =
咁佢傳波一向都係好既
刪除有時費sir要佢打中場,
刪除佢都可以交足功課,
呢類多功能球員真係買少見少
傑斯根本就是中場
刪除不過有得揀都係打翼好d既xd
刪除曼聯通常打442好少打翼,
刪除傑斯一向善打中場。