因為跟球會領隊文仙尼不和,而遭棄用已多個月的泰維斯,早前終於「認低威」,在曼城官網上向領隊、球會和球迷公開道歉,表示對罷賽與私自到阿根廷度假的事情感後悔,隨即更繳付了球會對他的兩周薪水罰款,撤回向英超足總的申訴。
被稱為球場的「野獸」,除了因為身體素質良好、踢法勇猛狠辣外,跟領隊關係欠佳、和隊友不和等也是原因之一。當初泰維斯被費格遜棄用,除了因為戰術安排(費爵爺打算以貝碧托夫當正前鋒,朗尼、C朗拿度輔之,故放棄實力較遜的泰維斯),將帥不和也是誘因。在頂級球星雲集的曼城,文仙尼定不缺前鋒的選擇,泰維斯和領隊鬧不和,絕對是自討苦吃,不要說將他雪藏數個月,甚至將他雪至合約結束,也非難事,要知單靠阿古路、巴洛迪利、迪斯高三人,已足以讓球隊有無限戰術調度。
不服輸的泰維斯,自然不欲向文仙尼認輸,打算一直hea到冬季轉會期,球會將他拋售,屆時又是新的開始。事實上,他早前已向傳媒表示,有意加盟AC米蘭,其他球隊如國際米蘭、巴黎聖日耳門,也向這名棄將揮手。
然而,貪得無厭的泰維斯向AC米蘭報了更高的周薪要求,令「紅黑軍團」打退堂鼓,放棄對他的追購。泰維斯另投他隊不果,要繼續留效曼城,難道一直HEA到滿約為止?作為一名球員,相信他其不希望落到如此下場。黔驢技窮下,「野獸」唯有低頭,重新表示對球會的忠誠,並指希望為球隊取得首個英超冠軍。
曾被泰維斯罵作是狗的文仙尼,似乎並不領情,在傳媒追訪下,仍拒絕透露會否跟泰維斯會談。看來在文仙尼怒氣難消下,「野獸」回歸球場仍遙遙無期。
這個故事教訓我們,「凡事留一線,日後好相見」呀!
希望TEVEZ可以打番正選啦
回覆刪除我認同!
回覆刪除咁對曼城黎講都係好消息黎既:)
回覆刪除道左歉我相信tevez番黎都係踢埋呢半季 始終同文仙尼都係唔多岩key!
回覆刪除認同 泰維斯要走已成定局
刪除希望文仙尼會比佢出下啦
廢事佢雪到硬晒
有時做人真係唔好做到咁盡, 覆水難收, 不過都想睇返佢出嚟表現吓既
回覆刪除球星通常都是任性而為
刪除泰維斯要同阿古路、巴洛迪利、迪斯高三人爭正選, 談何容易丫...
回覆刪除文仙尼個心唔會有條刺...就假嘅!
迪斯高都難講D
刪除但阿古路同腦殘的實力一定在泰維斯之上
泰維斯係有實力的, 我只係覺得文仙尼唔會真心重用佢, 畢竟之前炒咁大鑊...
刪除換著是我,被人罵作是狗,我也會懷恨在心。
刪除T32番黎對曼城系好事..但夏天9成會賣左佢...希望佢可以踢好波
回覆刪除,賣到個好價吧..
加我,一齊數盡足球事!
回覆刪除csl1988@gmail.com
加左啦 =]
刪除tevez預左佢今夏會走人
回覆刪除只係希望佢可以識得諗,生生性性踢好黎緊既比賽,希望A米可以開個好價帶走佢~.~
其實A米同曼城傾掂數啦
刪除係TEVEZ獅子開大口嚇走A米
冇錯! AC俾佢嚇走一次未必會返轉頭再傾佢, 始終好前鋒不少, 佢唔改善D脾氣分分鐘冇人要:(
刪除明明有實力的球員
刪除卻因為自己的問題而無機會踢好波
係囉,咁無論對佢同D fans都係一個損失..
刪除這告訴我們說
回覆刪除話別說太死
做人要有餘地..
凡事留一線 日後好相見,
回覆刪除呢句說話作為足球員應該要學識
得罪領隊沒有好結果
刪除