英超好睇睇史雲斯勁比你睇！

 

      點解我每一次都寫英超？之唔係好似好多人咁講，英超競爭激爭囉，西超雙雄唔洗講，意甲頂多都係得5隊波之爭，而且今時唔同往日，即使意甲比賽節奏有提速，但技術細節、組織細緻卻漸漸下降，在近年歐戰成績就得以證明，而其中升班馬如萊切、路華拿等等，明顯是升班被SM的級數，難以給人眼前一亮之感。但英超弱旅/升班馬又如何呢？首當其先的必然是力量、制空、手榴彈見稱既史篤城，佢地既不列顛合金球場，真係唔知硬撼擊倒幾多勁旅，最重要的係佢地既打法，唔會全力爭控球權，去穩守突擊，尋求死球角球的機會。 

         

      致於今次要講既史雲斯，即係上季由英冠以第6名踼附加賽既身份進軍英超，外界梗係視之為降班穩膽，但事實同估計卻截然不同，反而令人眼前一亮。佢地既領隊我就熟識喇，就係當年車仔係摩連奴時代既青年軍主教練羅渣士 (Brendan Rodgers)，佢一向主張既係控球在腳，係佢既領導之下都出左唔少成功既青訓，好似卡頓高爾、拉斯迪亞拉同埋史葛冼佳亞，但佢地既成功全部都係離開車仔之後既事 :O) 

      講番史雲斯，佢地踼法又係比較似番主場既名稱自由球場(右圖)，就好似岩岩咁講，以羅渣士既戰術理念運作－－控球在腳，自從2010年，羅渣士上任之後，史雲斯一直都有「英冠阿仙奴」之稱，每場波既 Time of Possession 都係起碼60/40之比，實在唔好睇少；今季上到英超，我都唔係睇左佢地好多場波，但係致少從戰績上見到係成功既，每場都似控球為主，好似巴塞咁等待前插與妙傳的一刻製造入球，代表作當然係上到黎打敗兵工廠啦。不過，有好似戰術理念，當然要有好既人員配合，衣點又唔得唔盛讚羅渣士，球會細、限米煮限飯，以蔗渣既價錢買入實而不華既球員，又能夠令每個人都能夠盡展所長，好似買入既史葛冼佳亞、丹尼格拉咸、施古特臣等等，仲有借番黎既哥爾卡、麥依治蘭，全部都係成功既一部份。

       今次就講到衣到先，下次耳冬就會再同大家分析一下史雲斯既球員，BYE!!!