在夏天轉會窗,英超列強都作了不少收購,當中最矚目的,包括曼城的阿古路、曼聯的迪基亞、利物浦的卡路爾等。英超聯賽已經踢到了次循環,在這半季裡,新加盟球員都得到了上陣機會,然而,每人的表現都大有不同。
曼城前鋒阿古路、史雲斯門將禾姆、利物浦左閘荷西安歷基等引援,都有著出色表現,在球隊每場勝仗起了關鍵作用。不過「一將功成萬骨枯」,在成功球員背後也會有糟透的收購。到底哪11名球員,能夠入選英超新援最差陣容?這個由外國網站Whoscored所作的數據分析結果,或許能解答你的疑問。
在門將位置,曼聯的迪基亞上榜了。即使他並非表現糟透,不過在轉會較少的門將位置中,禾姆、費度皆表現出色,賓科士打和基雲也不過不失。如此之下,縱然偶有驚喜之作的迪基亞,也因其「蝦碌」作風,而入選最差11人陣容。事實上,他不善於接下高空波的毛病,也急需改善,尤其他作為勁旅曼聯的正選門將(也可說正選位置已被連迪加特所搶去)。
在後防四子當中,阿仙奴的梅迪薩卡佔了一席位。這名以個子高見稱的德國球員,未有將其德甲經驗發揮在比賽當中,在球場上有如魂遊太虛,為隊友添了不少麻煩。另一名中堅沙域是焦點新人,當初曼城擊敗了不少對手才能簽下他。這名黑山球員在隊長甘賓尼缺陣時得到上陣機會,卻未有回報領隊文仙尼的期望。單從數據已能看出沙域的不濟,其平均每場的成功阻截次數,只有0.6次,比梅迪薩卡的0.8次還要低,難怪文仙尼只予他四次的正選出場機會。

雲達沙接班人,真係咁易做咩?
回覆刪除其實我覺得當時簽荷蘭個史基倫堡可能會好過簽de gea ~.~
刪除同埋今季英超好似得de gea一單龍門轉會之嘛...
刪除所以又公平D講句,就算de gea表現再好呢個龍門位都係非佢莫屬咖啦xd
利申:城迷
唔係 上文有講
刪除上季有5單龍門轉會
對比之下 迪基亞最差
不過我都覺得佢表現可以接受
除左接高波
哦...我睇漏左:p
刪除其實可能費sir唔買龍門用連迪加特做1號龍門都OK啦~.~
連迪加特的表現的確對辦!
刪除不過曼聯作為豪門,又相對不缺錢,
買個星級龍門作接班人,合理不過!
要買星級龍門唔係易,如果連迪加特同迪基亞互相競爭,是但一個跑出做星級龍門作接班人都唔係冇可能.
刪除競爭下變勁都有可能
刪除阿記施捷施尼都已經打出實力
不過要變星始終有D難度
其實SAVIC算係長線投資黎...我覺得甘樣對一個小朋友有D吾公平/.\
回覆刪除無計啦
刪除佢單轉會咁矚目
有幾呀.../_\
刪除都係小朋友一個黎姐...
講到今夏最觸目轉會我諗係數都係呀kun都未輪到佢啦xd
幾隊歐洲豪門爭沙域
刪除最後比曼城爭贏
點會唔矚目?
年少不代表不出名
年少不代表可以打得差
如果咁睇既話都算係觸目既~
刪除只係覺得佢因為甘賓尼要停賽加上KOLO番左非洲,無晒中堅所以先局住要出佢同屎葛
我諗當時佢自己都未準備好要正選上陣...
但佢既表現都算係一場比一場進步..比D時間佢吧:p
你說的不無道理,
刪除沙域臨危受命,未適應球隊,
應該給他多點耐性。
迪基亞我覺得還可算是不過不失, 而且年輕, 可能真係踢大會驚青D. 另外2位中堅就真係...差D...
回覆刪除前鋒係卡路爾?
只可以說 利記陣中有不少熱門人選XD
刪除因為利記入左好多水貨xd?
刪除利記唔止不少熱門人選吧!應該都有唔少入選, 中場起碼有一個...RIGHT?
刪除聯賽盃決賽令到利記右路完全癱瘓那個
刪除唔入選會比雷劈! XD
講真 上面3個有兩個都十分後生 宜家就選佢地做最差迎援又唔係咁岩 但梅迪薩卡就絕對係!!xd
回覆刪除新*
刪除後生但身價不菲喎!唔係話一定入錯貨但今季肯定物非所值LOR!
刪除無錯
刪除就算後生 身價同表現都要成正比例
savic係6m買番黎...唔算話係好貴其實~
刪除對曼城而言唔貴 XD
刪除只可嘆句百物騰貴,
6M,以前一球英超中型班,一季總轉會費就是咁上下。
咁都係岩既...
刪除但比起利記hendo佢6m又真係唔太差姐XD
20M買個隱形人番黎...
刪除杜帥買人眼光方面真係差D
所以我接受到6m買savic xd
刪除相對之下,的確沒那麼糟
刪除其實de gea近排可以話有好大進步,
回覆刪除角球出門時間好左好多,
接d高波又比以前穩定左,
對d近波既反應亦係一如以往反應的快
應該接受過死球特訓
刪除迪基亞最近表現好好呀!
回覆刪除